Lectura: "Usha" de María Reimóndez

Uxía, Usha para os seus amigos, escribe o relato da súa estancia en Devastana, unha vila do estado de Karnata, na India. A rapaza galega, que acompañaba a súa nai, membro dunha ONG, rememora a vida cotián da súa escola india. Alí amigou con Lakshmi e Deepak, aprendeu canarés, coñeceu novos costumes e lendas, enfrontouse con dificultades imprevistas e, sobre todo, cunha nova visión da vida, ata entón, descoñecida para ela. Usha aprendeu na India que alí o seu nome significa a primeira luz do mencer. Nunca o esquecerá.Usha, novela escrita por María Reimóndez e ilustrada por Ivñan Sende, é un portelo aberto para que os lectores galegos mozos poidan enchouparse da cultura e da visión da vida dunha comunidade popular da India. Unha novela emocionante que interroga e interesa ao lector sobre unha realidade cultural que a maior parte descoñece

Lectura de marzo : "Futuro Imperfecto" de Xulia Alonso

Durante as décadas de 1980 e 1990, moitos mozos descubriron simultaneamente o amor e a droga. As consecuencias desa vivencia marcáronos para sempre, a algúns de xeito dramático. Este libro é un reencontro con ese tempo, coa súa presenza proxectada no futuro. Un futuro que xa non pode ser perfecto mais é esperanzado.

Dedicado á súa filla

MEJILLONES PARA CENAR, de Birgit VANDERBEKE

Aproveitando o bo tempo, e para disfrutar ao máximo da nosa última reunión do curso, quedámonos nos bancos da entrada do instituto.  Fixemos alí a reunión e incluso recibimos visitas.

Mejillones para cenar foi un libro que nos impresionou moito a todos. Baixo a mirada da protagonista e nun curso espacio de tempo, vaise desenvolvendo ante os nosos ollos unha figura paterna obsesionada pola perfección da súa familia.  Descubrimos con horror a pequena dictadura establecida nesa casa, onde a atmosfera é case irrespirable.  Queres saber como acaba?  Mentres ti les, nós imos facer "selfies".

A REUNIRSE!

EL VALLE DE LOS LOBOS

El valle de los lobos é a primeira novela da serie Crónicas de la torre, de Laura Gallego.  A lectura foi unha proposta de Elisa e Kenia, que tiñan moitísimo interese en compartir o seu entusiasmo por esta autora.  Foi todo un éxito.  De feito, a novela conseguiu que Circe se volvese auténtica fan de Laura Gallego.

A obra comeza co nacemento da que será a protagonista de toda a saga: unha nena extraña que, pasados os anos, descubrirá que as súas rarezas son debidas a un don.  É maga, e como tal estará chamada a formarse nunca peculiar escola que, aínda que de primeiras poida recordarnos a de Harry Potter, non se parece en nada a Hogwarts.

Dende logo que a lectura de El valle de los lobos é unha delicia, e menos mal que a historia continúa en outros dous libros máis, porque quedamos con gañas de seguir ao lado dos seus personaxes.  

Como curiosidade contaremos que, realmente, a serie conta con catro novelas, xa que hai un cuarto volume que é unha precuela: a narración do pasado dun dos estudantes da torre.

AVISO DE REUNIÓN

XA TEMOS MASCOTA!

No IES Cosme López temos xente de moito talento, como Juanjo, o profe de Educación Plástica.  Inspirado pola idea da lectura, os libros, o club, o nome... xurdiu da súa imaxinación o logo de Quorum.  É chulísimo, non si?